Qazaqstan Respýblıkasy Aýyl sharýashylyǵy mınıstrliginiń buıryǵy  №19-2/510

  2015 jylǵy 2 maýsym, Astana qalasy Sý obektilerin keme qatynasy sanatyna jatqyzý qaǵıdalaryn jáne keme qatynasy, áýe kemeleriniń ushýy (qonýy) úshin paıdalanylatyn keme qatynasy sý joldarynyń tizbesin jáne olardy paıdalaný qaǵıdalaryn bekitý týraly Qazaqstan Respýblıkasynyń 2003 jylǵy 9 shildedegi Sý kodeksiniń 105-babynyń 3-tarmaǵyna sáıkes buıyramyn: 1. Mynalar: 1) osy buıryqqa 1-qosymshaǵa sáıkes Sý obektilerin keme qatynasy sanatyna jatqyzý qaǵıdalary; 2) osy buıryqqa 2-qosymshaǵa sáıkes Keme qatynasy, áýe kemeleriniń ushýy (qonýy) úshin paıdalanylatyn keme qatynasy sý joldarynyń tizbesi; 3) osy buıryqqa 3-qosymshaǵa sáıkes Keme qatynasy, áýe kemeleriniń ushýy (qonýy) úshin paıdalanylatyn keme qatynasy sý joldaryn paıdalaný qaǵıdalary bekitilsin. 2. Qazaqstan Respýblıkasy Aýyl sharýashylyǵy mınıstrliginiń Sý resýrstary komıteti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesiniń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrylýyn qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasy Aýyl sharýashylyǵy vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Aýyl sharýashylyǵy mınıstri A. MAMYTBEKOV «KELISILGEN» «KELISILGEN» «KELISILGEN» Qazaqstan Respýblıkasynyń Qazaqstan Respýblıkasynyń Qazaqstan Respýblıkasynyń Investısııalar jáne damý mınıstri Ulttyq ekonomıka mınıstri Energetıka mınıstri ___________ Á. Isekeshev ___________ E. Dosaev ___________ V. Shkolnık 2015 jylǵy 23 maýsym 2015 jylǵy 7 shilde 2015 jylǵy 15 maýsym Qazaqstan Respýblıkasy Aýyl sharýashylyǵy mınıstriniń 2015 jylǵy 02 maýsymdaǵy № 19-2/510 buıryǵyna 1-qosymsha Sý obektilerin keme qatynasy sanatyna jatqyzý qaǵıdalary 1. Osy Sý obektilerin keme qatynasy sanatyna jatqyzý qaǵıdalary (budan ári – Qaǵıdalar) Qazaqstan Respýblıkasynyń 2003 jylǵy 9 shildedegi Sý kodeksiniń 105-babynyń 3-tarmaǵyna, «Ishki sý kóligi týraly» 2004 jylǵy 6 shildedegi Qazaqstan Respýblıkasy zańynyń (budan ári – Sý kóligi týraly zań) 11-babynyń 2-tarmaǵyna sáıkes ázirlendi jáne sý obektilerin keme júzetin sý joldary sanatyna jatqyzý tártibin aıqyndaıdy. 2. Osy Qaǵıdalarda mynadaı negizgi uǵymdar paıdalanylady: 1) qorshaǵan ortany qorǵaý salasyndaǵy ýákiletti organ – qorshaǵan ortany qorǵaý jáne tabıǵat paıdalaný salasynda basshylyqty jáne salaaralyq úılestirýdi júzege asyratyn ortalyq atqarýshy organ, sondaı-aq onyń aýmaqtyq organdary; 2) ortalyq atqarýshy organ – ishki sý kóligi salasynda basshylyqty, sondaı-aq Qazaqstan Respýblıkasynyń zańnamasynda kózdelgen shekte salaaralyq úılestirýdi júzege asyratyn memlekettik organ; 3) sý qoryn paıdalaný jáne qorǵaý, sýmen jabdyqtaý, sý burý salasyndaǵy ýákiletti organ (budan ári – ýákiletti organ) – eldi mekender sheginen tys jerlerde sý qoryn paıdalaný jáne qorǵaý, sýmen jabdyqtaý, sý burý salasyndaǵy basqarý men baqylaý fýnksııalaryn júzege asyratyn memlekettik organ; 4) Qazaqstan Respýblıkasynyń ishki sý joldary – keme qatynasy maqsatynda paıdalanýǵa bolatyn tabıǵı nemese qoldan jasalǵan qatynas joldary. 3. Ishki sý joldary, Sý kóligi týraly zańnyń 1-babynyń 30) tarmaqshasyna sáıkes navıgasııa kezeńiniń belgilengen merziminde olardyń tıesililigi men menshik nysanyna qaramastan kemelerdiń irkilissiz ári qaýipsiz júzýi úshin keme júzýiniń tıisti gabarıtterin, keme júzetin gıdrotehnıkalyq qurylystardyń (shlıýzderdiń) jumys isteýin, sý joldaryn paıdalaný kezinde ekologııalyq, sanıtarlyq-epıdemıologııalyq talaptardyń oryndalýyn qamtamasyz etedi. 4. Sý joldary arqyly júk pen jolaýshylar tasymaldaýdy júzege asyrý múmkindigin ári oryndylyǵyn Sý kóligi týraly zańnyń 9-babynyń 1-tarmaǵynyń 2) tarmaqshasyna sáıkes ortalyq atqarýshy organ aıqyndaıdy. 5. Ortalyq atqarýshy organ sý obektilerin keme qatynasy sanatyna jatqyzý jáne sý obektilerin nemese olardyń ýchastkelerin (shekarasyn kórsetip) keme qatynasy, áýe kemeleriniń ushýy (qonýy) úshin paıdalanylatyn keme qatynasy sý joldarynyń tizbesine qosý týraly usynystar daıyndaıdy. 6. Usynystarǵa mynalar engiziledi: 1) jergilikti atqarýshy organdar usynatyn tasymaldaýdyń kútiletin kólemi, júk tasqynnyń boljaldy baǵdary men tasymaldaý prosesin uıymdastyrý úshin kólik (jolaýshylar) flotynyń josparlanǵan sany; 2) keme qatynasy sanatyna jatqyzýǵa usynylatyn sý obektisiniń shemalyq jospary, gıdrologııalyq sıpattamasy jáne paıdalaný erekshelikteri; 3) keme qatynasy sanatyna jatqyzýǵa usynylatyn sý obektisinde keme qatynasynyń qaýipsizdigin qamtamasyz etý jónindegi usynystar jáne olardy qysqa merzimdi (úsh jyldyq) perspektıvada kútip-ustaý boıynsha qarjy qarajatynyń qajettiligi. 7. Sý obektilerin keme qatynasy sanatyna jatqyzý jónindegi usynystar: qorshaǵan ortany qorǵaý salasyndaǵy ýákiletti organmen; halyqtyń sanıtarııalyq-epıdemıologııalyq salamattylyǵy salasyndaǵy vedomstvonyń aýmaqtyq bólimshelerimen kelisiledi. Qazaqstan Respýblıkasy Aýyl sharýashylyǵy mınıstriniń 2015 jylǵy 2 maýsymdaǵy № 19-2/510 buıryǵyna 2-qosymsha Keme qatynasy, áýe kemeleriniń ushýy (qonýy) úshin paıdalanylatyn keme qatynasy sý joldarynyń tizbesi 1. Balqash kóli. 2. Esil ózeni, Petropavl sý qoımasynyń bógetinen bastap Soltústik Qazaqstan oblysynyń Prııshımka kentine deıin. 3. Esil ózeniniń Astana qalasynyń ákimshilik-aýmaqtyq shekarasy shegindegi ýchaskesi. 4. Jaıyq-Kaspıı kanaly. 5. Qazaqstan Respýblıkasynyń aýmaǵyndaǵy Qıǵash ózeniniń ýchaskesi (Volga ózeniniń salasy). 6. Qara Ertis ózeni (Qytaı Halyq Respýblıkasymen shekaradan bastap) Zaısan kóli - Buqtyrma, О́skemen jáne Shúlbi sý qoımalarymen birge Ertis ózeni (Reseı Federasııasymen shekaraǵa deıin). 7. Reseı Federasııasynan bastap Jaıyq ózeniniń saǵasyna deıingi Jaıyq ózeniniń ýchaskesi. 8. Syrdarııa ózeni, Qyzylorda qalasy men parom ótkelderiniń mańy. 9. Ile ózeni, Qapshaǵaı sý qoımasymen birge Qytaı Halyq Respýblıkasymen shekaradan bastap Qapshaǵaı CEC bógetine deıin. Qazaqstan Respýblıkasy Aýyl sharýashylyǵy mınıstriniń 2015 jylǵy 2 maýsymdaǵy № 19-2/510 buıryǵyna 3-qosymsha Keme qatynasy, áýe kemeleriniń ushýy (qonýy) úshin paıdalanylatyn keme qatynasy sý joldaryn paıdalaný qaǵıdalary 1. Jalpy erejeler 1. Osy Keme qatynasy, áýe kemeleriniń ushýy (qonýy) úshin paıdalanylatyn keme qatynasy sý joldaryn paıdalaný qaǵıdalary (budan ári – Qaǵıdalar) Qazaqstan Respýblıkasynyń 2003 jylǵy 9 shildedegi Sý kodeksiniń 105-babynyń 3-tarmaǵyna, «Ishki sý kóligi týraly» 2004 jylǵy 6 shildedegi Qazaqstan Respýblıkasy zańynyń (budan ári – Sý kóligi týraly zań) 13, 14, 15-4-baptaryna «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» 2004 jylǵy 15 shildedegi Qazaqstan Respýblıkasy zańynyń 1-babynyń 45) tarmaqshasyna jáne 63-babynyń 3-tarmaǵyna sáıkes ázirlendi jáne keme qatynasy, áýe kemeleriniń ushýy (qonýy) úshin paıdalanylatyn keme qatynasy sý joldaryn paıdalaný tártibin aıqyndaıdy. 2. Osy Qaǵıdalardyń qoldanysy, osy buıryqpen bekitilgen Keme qatynasy, áýe kemeleriniń ushýy (qonýy) úshin paıdalanylatyn keme qatynasy sý joldarynyń tizbesine sáıkes keme qatynasy úshin ashyq sý joldaryna taralady. 3. Osy Qaǵıdalarda mynadaı negizgi uǵymdar paıdalanylady: 1) aýmaqtyq bólimsheler – ýákiletti organnyń aýmaqtyq bólimsheleri; 2) keme – Keme qatynasy tirkeliminiń tehnıkalyq baqylaýyndaǵy, ishki sýlarda júzetin keme, keme qatynasy maqsatynda paıdalanylatyn ózdiginen júzetin nemese ózdiginen júzbeıtin júzbeli qurylǵy, onyń ishinde «ózen-teńizde» júzetin keme, parom, tehnıkalyq flot kemesi (sý túbin tereńdetýshi jáne sý túbin tazartýshy snarıadtar, júzbeli kran jáne basqa da osy sııaqty tehnıkalyq qurylystar); 3) keme joly – belgili bir kólemdegi kemelerdiń kedergisiz júzýine jol beriletin shekterde joldyń baǵyty men shekaralaryn kórsetetin navıgasııalyq jaǵdaıdyń belgileri qoıylǵan, ishki sý joldaryndaǵy sý beti; 4) reıdter – kemelerdiń zákir salyp turýyna, manevr jasaýyna nemese júkterdi qaıta tıeýge arnalǵan keme joly sheginen tys port akvatorııasynyń bóligi; 5) sýdyń jobalyq deńgeıi – keme qatynasy qarqyndylyǵynyń belgisi boıynsha sý joldary tobyna qaraı kópjyldyq qamtamasyz etýdiń belgilengen shamasy bar, tómengi navıgasııa deńgeıleriniń biri, onyń negizinde keme qatynasy ózenderinde kepildik berilgen keme júrisi gabarıtteri belgilenedi; 6) ýákiletti organ – ishki sý kóligi salasyndaǵy basshylyqty, sondaı-aq Sý kóligi týraly zańnyń 1-babynyń 43) tarmaqshasymen kózdelgen shekte salaaralyq úılestirýdi júzege asyratyn ortalyq atqarýshy organ; 7) ýákiletti organnyń kásiporny – qyzmet kórsetetin shekaralar sheginde kemelerdiń qaýipsiz júzýin qamtamasyz etý maqsatynda ishki sý joldaryn jáne keme qatynasynyń gıdrotehnıkalyq qurylystaryn (shlıýzderin) tıisinshe kútip-ustaý men damytý úshin óndiristik qyzmetti júzege asyrý negizgi mindeti bolyp tabylatyn ishki sý kóliginiń memlekettik kásiporny. 2. Keme qatynasy, áýe kemeleriniń ushýy (qonýy) úshin paıdalanylatyn keme qatynasy sý joldaryn kútip-ustaý 4. Astananyń ákimshilik-aýmaqtyq shekarasy shegindegi Esil ózeniniń keme qatynasy ýchaskesin qospaǵanda, sý joly jumystaryn, onyń ishinde memleket menshigindegi porttarda reıdter jáne osy porttardyń aılaqtaryna kireberisterdi jasaý men kútip-ustaý jónindegi jumystardy júrgizýdi, sondaı-aq keme qatynasynyń gıdrotehnıkalyq qurylystaryn kútip-ustaý men tasymaldaýshynyń tehnologııalyq baılanysty uıymdastyrýyn ýákiletti organnyń kásiporyndary júzege asyrady. Astananyń ákimshilik-aýmaqtyq shekarasy shegindegi Esil ózeniniń keme qatynasy ýchaskesinde sý joly jumystaryn júrgizýdi qamtamasyz etýdi astana ákimdigi júzege asyrady. 5. Kelesi jaǵdaılarda sý joly jumystary júrgizilmeıdi: 1) eger keme qatynasy sý jolynyń eki jaǵalaýy da keme júzetin bolyp tabylsa jáne kemelerdiń qozǵalysy saǵanyń búkil eni boıyna múmkin bolsa (mundaı jaǵdaıda navıgasııalyq belgiler ornatylmaýy múmkin); 2) eger keme qatynasy sý jolynyń búkil uzyndyǵyna osy Qaǵıdalarǵa qosymshaǵa sáıkes shekteýli qazýlar jáne kemeler men quramdardyń kólemi, shógýi boıynsha shekteýler bolmasa. 6. Porttarǵa (osy Qaǵıdalaryń 4-tarmaǵynyń birinshi bóliminde kórsetilmegen) kireberisterdegi, sondaı-aq toqtaý pýnktterindegi jol jumystaryn júrgizýdi olardyń ıeleri júzege asyrady. 7. Ishki sý joldaryn jáne olardaǵy keme qatynasy gıdrotehnıkalyq qurylystaryn kútip-ustaý jónindegi jumystar jol jumystaryn júrgizýge arnaıy ruqsatsyz júzege asyrylady. 8. Sý kóligi týraly zańnyń 17-babynyń 2) tarmaqshasyna sáıkes ishki sý kóligi salasyndaǵy baqylaý men qadaǵalaýdy aýmaqtyq bólimsheler keme qatynasynyń sý joldaryn jáne navıgasııalyq jabdyqtar quraldaryn tıisinshe kútip ustaýdy baqylaý jáne qadaǵalaý arqyly júzege asyrady. 3. Keme qatynasy, áýe kemeleriniń ushýy (qonýy) úshin paıdalanylatyn keme qatynasy sý joldaryn navıgasııalyq qorshaý 9. Keme qatynasy, áýe kemeleriniń ushýy (qonýy) úshin paıdalanylatyn keme qatynasy sý joldaryn navıgasııalyq qorshaý ishki sý joldarynda kemelerdiń júzýine, áýe kemeleriniń ushýyna (qonýyna) qaýipsiz jaǵdaılar jasaýǵa jáne jasandy qurylystardyń saqtalýyn qamtamasyz etýge arnalǵan. 10. Keme qatynasy, áýe kemeleriniń ushýy (qonýy) úshin paıdalanylatyn keme qatynasy sý joldarynyń navıgasııalyq qorshaýyn kútip-ustaýdy kásiporyndar oryndaıdy jáne ol navıgasııalyq jabdyq quraldaryn ornatý men olarǵa qyzmet kórsetý jónindegi jumystardy júrgizýden turady. Kásiporyndar keme júrgizýshilerge jol jaǵdaılarynyń jaı-kúıi men olardyń ózgerýi týraly habarlaıdy. 11. Temir jol, avtojol, kommýnaldyq jáne qalqymaly kópirlerde, sý astyndaǵy jáne áýedegi ótý joldarynda, sý jınaǵyshtar men sý jibergishterde, olardy saqtaýǵa jáne kemelerdiń júzýine qaýipsiz jaǵdaı jasaýǵa arnalǵan keme qatynasy sıgnaldarynyń belgileri (stasıonarly jáne qalqyma) men shyraqtaryn ornatý jáne kútip-ustaýdy osy qurylystardyń ıeleri júrgizedi. 12. Sý kire beristerindegi jáne porttar, aılaqtar, bógetter, reıdter jáne oqshaýlandyrylǵan paıdalanymdaǵy sý joldarynyń basqa da ýchaskeleri akvatorııasyndaǵy navıgasııalyq qorshaýdy ornatý men kútip-ustaýdy osy akvatorııalar men sý joldarynyń ýchaskeleri paıdalanymynda ornalasqan jasandy qurylystardyń ıeleri jáne uıymdar aýmaqtyq bólimshelermen kelisim boıynsha júrgizedi. 13. Jaǵalyq jáne qalqyma belgilerdegi navıgasııalyq shyraqtar ymyrttyń ortasyna sáıkes keletin (kúnniń kókjıekten úsh gradýs tómen bolǵan kezinde) keminde qyryq – júz lıýksti quraıtyn, kóldeneńinen jaryq túsirgen kezde jumys isteıdi. Keme qatynasy sý joldarynda ornalasqan qurylystardaǵy navıgasııalyq shyraqtar shekteýli kórý kezeńinde jumys isteıdi. 14. Sý jolynyń sıgnaldyq belgileri kemelerdi nemese júzý quraldaryn arqandap baılaý nemese shyǵarý úshin paıdalanylmaıdy, sondaı-aq osy belgiler zaqymdalmaıdy. 15. Árbir keme júrgizýshi jáne áýe kemesiniń ushqyshy tıisti kásiporyndy joldyń sıgnaldyq belgilerinde baıqalǵan jumys isteý aqaýlyǵynyń barlyq jaǵdaılary (sóngen shyraq, bakenniń, qalqymanyń ornynan qozǵalýy, belginiń zaqymdanýy) týraly habardar etedi. 16. Aýmaqtyq bólimsheler ishki sý joldarynyń qorshaýlary zaqymdanýynyń, joldyń jarııalanǵan kólemderiniń sáıkes bolmaýy saldarynan qazýlar zaqymdanýynyń barlyq jaǵdaılaryna aktiler jasaıdy jáne olardy joıý jóninde qajetti sharalar qabyldaıtyn kásiporynǵa jiberedi. 17. Keme qatynasy ishki sý joldaryn paıdalaný Qazaqstan Respýblıkasy Investısııalar jáne damý mınıstriniń mindetin atqarýshynyń 2015 jylǵy 24 aqpandaǵy № 161 buıryǵymen bekitilgen (Normatıvtik quqyqtyq aktilerdi memlekettik tirkeý tizilimine № 10870 tirkelgen) Ishki sý joldaryn paıdalaný qaǵıdalarymen retteledi. Keme qatynasy, áýe kemeleriniń ushýy (qonýy) úshin paıdalanylatyn keme qatynasy sý joldaryn paıdalaný qaǵıdalaryna qosymsha Kemeler men sý joldary kólemderiniń ara qatynasy Keme qatynasy sý joldaryndaǵy túp astyndaǵy eń az sý zapastary (santımetrmen) Sý jolynyń tereńdigi Barlyq kemeler úshin Qumdy jáne jumyrtasty jerde Tasty jerde 150-den kem 10 15 150-300 15 20 300-den artyq 20 25 Eskertpe: 1. Zapastardyń máni shekteýli qazýda jarııalanǵan tereńdik pen turǵan kemeniń eń úlken shógýi arasyndaǵy aıyrmashylyqty kórsetedi. 2. Tereńdigi boıynsha shekteýli qazýdan ótken kezde keme júrgizýshileri qaıyrlaý qubylysyn eskeredi jáne keme jyldamdyǵyn tómendetý nemese kómekshi súıretip júzýshi kemeni tartý jolymen, mundaı sharalar jetkiliksiz bolǵan kezde – shógýdi (tıeýdi) tıisti azaıtý jolymen ony tómendetý úshin sharalar qabyldaıdy. Buıryq Qazaqstan Respýblıkasynyń Ádilet mınıstrliginde 2015 jylǵy 11 tamyzda Normatıvtik quqyqtyq kesimderdi memlekettik tirkeýdiń tizilimine №11862 bolyp engizildi.